jump to navigation

استخدام جهاز sony nw-e005f على نظام جنو/لينكس مارس 21, 2009

Posted by makkay in مشاكل وحلول, برامج الصوت والفيديو.
trackback

اخترب ويندوز فيستا على لابتوب أخويي .. اللابتوب طاح طيحة قوية ولا رجع يشتغل الفيستا  لما يدخل سيدي الركفري تطلع شاشة سوداء ولا تتغير أبداً الشاشة الظاهر تأثر الهارديسك مادري شنو المشكلة بالضبط .. المهم ما علينا .. ركبت له أوبنتو -حل مؤقت بالنسبة له- أوبنتو اشتغل من السيدي من دون مشكلة بس اهو عنده جهاز sony nw-e005f .. يجي ويا الجهاز برنامج sonicstage لنقل الملفات الصوتية من الكمبيوتر إلى الجهاز هالبرنامج يشتغل بس على نظام ويندوز .. المهم هو يبي يستخدم جهازه سويت بحث في جوجل عن كيفية استخدام هالجهاز على نظام جنو/لينكس

طلع لي برنامج jsymphonic لتحميل البرنامج اضغط هنا اختر jsymphonic وحمل النسخة الأخيرة

ملاحظة البرنامج يعمل مع مشغلات sony walkman الثانية مو بس هالجهاز .. بس حطيت العنوان كذا لأنه هذا الجهاز اللي استخدمته مع البرنامج

بيتحمل ملف مضغوط بصيغة zip  .. فك الضغط عنه بتحصل فيه ملف نصي readme.txt للتعليمات وملف  البرنامج jsymphonic_vXXXXX.jar

XXXX تشير إلى رقم نسخة البرنامج عندك .. البرنامج في حالة تطوير يبي لك تشيك عليه بين فترة وفترة

البرنامج مكتوب بلغة جافا تحتاج إلى بيئة تشغيل الجافا .. إذا تبي تتأكد من نسخة الجافا اللي عندك .. انسخ في الطرفية

java -v

إذا ما عندك الجافا انسخ هالأمر في الطرفية لتنصيب الجافا

sudo apt-get install sun-java6-jre

مثل ما قلنا البرنامج مكتوب بلغة جافا تقدر تستخدمه على أي نظام سواء جنو/لينكس أو نظام ويندوز بشرط انه الكمبيوتر اللي تستخدمه منصب عليه الجافا .. انسخ البرنامج jsymphonic إلى جهاز sony اللي عندك واضغط كليك يمين على البرنامج واختار افتح بواسطة sun java 6 runtime

ملاحظة قبل ما تستخدم البرنامج .. انت تستعمل البرنامج على مسؤوليتك أي شي يصير لجهازك مو تتهمني p: بالنسبة لي اشتغل من دون مشاكل لحد الآن

Advertisements

تعليقات»

1. alisadeq - مارس 21, 2009

مشكووور أخوي

2. aminesoft - مارس 26, 2009

فكرة جميلة
مشكور أخوي
أمين سوفت


اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: